ਧਰਮਿੰਦਰ ਸਿੰਘ ਨੈਵੀਸਟਾਰ ਇੰਟਰਨੈਸ਼ਨ 2011 ਦੇ ਬੈਸਟ ਸੇਲਜ਼ਮੈਨ ਬਣੇ

ਸੈਕਰਾਮੈਂਟੋ (ਪੀ ਟੀ ਪੀ)- ਧਰਮਿੰਦਰ ਸਿੰਘ ਬੀਤੇ ਕਈ ਵਰਿ੍ਹਆਂ ਤੋਂ ਟਰੱਕਿੰਗ ਦੇ ਬਿਜਨਸ ਵਿਚ ਪੰਜਾਬੀ ਭਾਈਚਾਰੇ ਦੀ ਸੇਵਾ ਕਰਦੇ ਆ ਰਹੇ ਹਨ ਤੇ ਇਸ ਸਾਲ ਵੀ ਉਹ ਨੈਵੀਸਟਾਰ ਇੰਟਰਨੈਸ਼ਨਲ 2011 ਦੇ ਬੈਸਟ ਸੇਲਜ਼ਮੈਨ ਬਣੇ ਹਨ। ਉਹਨਾਂ ਇਸ ਪ੍ਰਾਪਤੀ ਸਬੰਧੀ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਉਹਨਾਂ ਦੇ ਜੀਵਨ ਲਈ ਇਹ ਇਕ ਬਹੁਤ ਵੱਡੀ ਪ੍ਰਾਪਤੀ ਹੈ ਤੇ ਇਸ ਪ੍ਰਾਪਤੀ ਪਿੱਛੇ ਪੰਜਾਬੀ ਭਾਈਚਾਰੇ ਦਾ ਵਡੇਰਾ ਸਹਿਯੋਗ ਹੈ। ਉਹਨਾਂ ਦੱਸਿਆ ਕਿ ਮੇਰੀ ਹਮੇਸ਼ਾ ਹੀ ਇਹੋ ਕੋਸ਼ਿਸ਼ ਰਹੀ ਹੈ ਕਿ ਆਪਣੀ ਡਿਊਟੀ ਇਮਾਨਦਾਰੀ ਨਾਲ ਕਰਾਂ ਅਤੇ ਆਪਣੇ ਪੰਜਾਬੀ ਭਾਈਚਾਰੇ ਦਾ ਵੱਧ ਤੋਂ ਵੱਧ ਫਾਇਦਾ ਕਰਾਂ। ਇਸੇ ਤਰਜ਼ ਤੇ ਚੱਲਣ ਕਾਰਨ ਹੀ ਪੰਜਾਬੀ ਭਾਈਚਾਰੇ ਵਲੋਂ ਉਹਨਾਂ ਤੇ ਵੱਧ ਭਰੋਸਾ ਕੀਤਾ ਜਾ ਰਿਹਾ ਹੈ ਤੇ ਇਹੋ ਭਰੋਸਾ ਉਹਨਾਂ ਦੀ ਕਾਮਯਾਬੀ ਦਾ ਰਾਜ਼ ਬਣ ਚੱੁਕਾ ਹੈ। ਸ| ਧਰਮਿੰਦਰ ਸਿੰਘ ਨੇ ਕਿਹਾ ਕਿ ਉਹ ਆਉਣ ਵਾਲੇ ਸਮੇਂ ਵਿਚ ਵੀ ਪੰਜਾਬੀ ਭਾਈਚਾਰੇ ਤੋਂ ਇਹੋ ਜਿਹੇ ਸਹਿਯੋਗ ਦੀ ਆਸ ਕਰਦਾ ਹੈ ਤੇ ਆਪਣੇ ਵਪਾਰ ਵਿਚ ਇਮਾਨਦਾਰੀ ਨਾਲ ਕੰਮ ਕਰਨ ਦਾ ਉਹ ਅਹਿਦ ਪੂਰੀ ਜ਼ਿੰਦਗੀ ਲਈ ਕਰਦਾ ਹੈ।ਉਹਨਾਂ ਪ੍ਰਵਾਸੀ ਪੰਜਾਬੀਆਂ ਦਾ ਉਸਦੇ ਕੰਮ ਵਿਚ ਦਿੱਤੇ ਗਏ ਸਹਿਯੋਗ ਲਈ ਕੋਟਿਨ ਕੋਟਿਨ ਧੰਨਵਾਦ ਵੀ ਕੀਤਾ।